وفاجأ عمرو محمود ياسين زوجته آيات أباظة، بمداخلة هاتفية على الهواء مباشرة، خلال تقديمها "مساء الفن" على التلفزيون المصري، واصفًا هذا اليوم بقوله: "يوم من أحلى أيام حياتي.. منورة يا آيات وأنتِ زي القمر، وبشكر كل زملائك في القناة.. الفترة اللي فاتت كانت صعبة جدًا عليكي.. ولو أنتِ موجودة دلوقتي على الشاشة، فـ ده بعد فضل ربنا بسبب أسرة القناة".
وأشار إلى واحدة من أبرز اللقطات تأثرًا خلال رحلة علاجها من السرطان، قائلًا: "كانت بتتأثر جدًا مع كل رسالة دعم بتستقبلها من زملائها بالقناة وكل مكالمة تليفون، الموضوع كان صعب جدًا"، متابعًا: "وكانت أصعب لحظة بالنسبة لي، لما كانت تبص لي وتقولي وحشني الشغل ونفسي أرجع أشتغل تاني.. رغم أني كنت بتأثر جدًا بالكلام، لكن الجملة دي كانت بتسعدني لأنها كانت بتروح الحمام بالعافية.. عشان كده النهاردة مش يوم عادي بالنسبة لي.. ربنا معاكي ويوفقك في اللي جاي، ويديم الشفاء عليكي".
ومن جانبها، دخلت آيات أباظة في نوبة بكاء على الهواء مباشرة، ولم تتمالك دموعها، تأثرًا بحديث زوجها عمرو محمود ياسين، حيث ظلت تستمتع له دون أنّ تقاطعه، قائلة: "مش قادرة أتكلم".
وبعد ساعات، شاركت آيات جمهورها عبر حسابها على "فيس بوك"، تلك المكالمة هاتفية، لتُبرز من خلالها حجم المشاعر والترابط، وعلقت عليه بقولها: "حبيبي يا عمرو ربنا يخليك ليّا، بس معرفتش أمسك دموعي.. مش عارفة ده من الفرحة ولا من الكلام؟".
