وقالت هيدي كرم خلال مقطع مصوّر نشرته عبر حسابها الرسمي في موقع "إنستغرام": "خدي بالك وانتي نازلة مع صاحبتك، يعني لو صاحبتك لسّة متطلقة مش لازم تتكلمي معاها عن البرنامج اللي هتعملوه في الصيف انتي وجوزك أو جوزك قالك إيه وهو راجع من الشغل أو رايحين فين في العيد أو عن أي حاجة ليها علاقة بجوزك وحياتكم... مش عشان الحسد وعينها وحشة، لكن عشان تحافظي على مشاعرها، الرحمة حلوة".
وتابعت: "لما تبقي نازلة مع واحدة صاحبتك ظروفها المادية مش حلوة مش لازم تلبسي الساعة إياها أو الخاتم اللي فوق الدبلة... كوني بسيطة وتواضعي لمستواها، وده مش مَنّ، ده رحمة منك... ومش لازم نتكلم عن أي حاجة ليها علاقة بفسح وخروجات وعربيات".
وأضافت: "لو صاحبتك مخلّفتش مش لازم تقولي قدامها "يونس قال ماما امبارح... وحبيبة قلب ماما كبرت... براحة على بعض، في حاجات كتير نتكلم فيها، نتكلم في الموضة أو الجو أو الأكل أو أي حاجة تانية... ولو واحدة صاحبتك بتاخد كيماوي وشعرها واقع مش لازم أخرج معاها وشعري معمول وأحط إكستنشن... ممكن ألمّ شعري عشان متحسش بصعوبة المرحلة اللي بتمر بيها".
واختتمت هيدي كرم نصائحها قائلةً: "خلّونا نحس ببعض ونخلّي عندنا رحمة ببعض وإحساس بظروف بعض وتقدير لوجع بعض... ابدأوا بنفسكم الدنيا هتتغير لو كل بني آدم بدأ بنفسه".
