وقالت شيماء سيف، خلال ظهورها في برنامج "تحت الضغط"، عبر قناة "mbc"، إنّ هناك قطاعاً من الجمهور، اعتقد أنّ صاحبة الواقعة قد تكون بدرية طلبة أو إنتصار، متابعة "فيه ناس اتظلمت في الموضوع ده، زي بدرية طلبة، وهي حبيبة قلبي، وأطيب حد وعمرها ما تجرح نملة، دي جميلة جداً، وأنا بحبها.. وفيه ناس قالت إنتصار لأن كان فيه خلافات بيننا في وقت سابق، لكن لا دي ولا دي".
وأكدت أنّ الموقف المحرج يعود إلى الفنانة أيتن عامر، قائلة: "والله.. هي اللي قالت لي كده"، مُشيرة في الوقت ذاته إلى أن صفحة الخلاف طويت تماماً، وهناك حالة من التواصل تجمعهما في الوقت الحالي، "أنا دلوقتي معاها تمام وعادي وبشوفها وبسلم والدنيا تمام".ورأت أنّ موقف أيتن عامر، قد يكون عفوياً بالنسبة لها، موضحة "على فكرة ممكن يكون ده طبعها، ودي طريقتها، وهي فعلاً طريقة أيتن كل الناس عارفة إن هي شخصية نصوحة، تحب تساعد، وفي اللوكيشن كده برضه.. هي كده مابتحبش تقعد، هي ووفاء عامر.. لكن الموقف ده مش محتاج مساعدة من حد، مش محتاج حاجة من حد".
وأشارت شيماء سيف، إلى أنّ والدتها كانت تدعو لها بالإنجاب في بداية الزواج، إلى أن طلبت منها التوقف عن الدعاء أمامها تماماً، قائلة: "أمي في أول جوازي كانت بتقعد تدعي لي: حبيبتي ربنا يكرمك ويرزقك بالذرية الصالحة.. قلت لها: يا ماما ممكن ما تدعيليش؟ ممكن لما تشوفيني ما تدعيليش؟.. ادعي لوحدك، يعني مش لازم تدعي في وشي فتفكريني أنا، والله من ساعتها أمي فعلاً بتدعي لوحدها".
وشددت على ضرورة احترام خصوصيات الآخرين، قائلة: "المشكلة لم تكن في أيتن وحدها، بل في الموضوع نفسه.. في حاجات ياريت ما نقربش فيها عند الناس، ما تسألش حد ما بتتجوزش ليه؟ ما تسألش حد ما خلفتش ليه؟ وما تسألش حد أنت مش شغال ليه؟.. دي حاجات أصلها بيد ربنا وفي الأول وفي الآخر هي رزق".
يذكر أنّ الواقعة تعود إلى شهر فبراير الماضي، عندما حلّت شيماء سيف، ضيفة على الإعلامي نيشان، وتحدثت عن مسألة الإنجاب، حيث كشفت آنذاك عن مواقف مؤلمة تعرضت لها بسبب وزنها وربط البعض بينه وبين الإنجاب، قائلة إن إحدى زميلاتها قالت لها: "بت يا شيماء أنا كان عندي صاحبتي تخينة زيك ومخلفتش إلا لما خست، تعالي أوديكي عند الدكتور".
وأضافت "إدتني طلقة في قلبي وكنت عايزة أبين لها إني متضايقتش بس أنا من جوايا متقطعة، بس كارتر راح منزل البوست وقال يا جماعة أنا اللي مش بخلف مش شيماء عشان محدش يضايقني، بس هو معندهوش مشكلة ده زي الفل وربنا يكرمه يارب".
