وحرصت إنجي علاء، على طمأنة متابعيها، حيث كتبت عبر حسابها على "فيس بوك"، قائلة: "فات شهر تقريباً والتعافي صعب. الحمد لله على كل شيء. في أيام أحسن من أيام، وأملي في ربنا كبير. وفي أيام ناس بتظهر تهونها بشكرهم من كل قلبي"، مُشددة على أهمية الخضوع لتلك العملية الجراحية في الوقت الراهن، منعاً لحدوث أي مضاعفات.
وأوضحت "كان لازم أعمل العملية أو يمكن أخسر العصب نهائي، أو تتعمل العملية وممكن تحصل أضرار؛ لأن العملية في مكان دقيق في المخ، والعصب بقاله 7 سنين متضرر"، متابعة "بدعي إن المضاعفات تكون مؤقتة يا رب يا كريم، محتاجة دعواتكم في الفترة الصعبة دي، وشكراً لكل حد حاول يساعد بأي طريقة. ربنا يخليكم، وشكراً لدعواتكم كلكم. كل دعوة ليها مكانة كبيرة أوي عندي".
وأكدت أنها اكتسبت مشاعر جديدة بعد خضوعها لتلك العملية، قائلة: "فترة المرض غيَّرت نظرتي للأمور، كأني بقيت شايفة الدنيا من برة. مفيش حاجة تستاهل القهرة والاستنزاف والله"، متابعة: "احمدوا ربنا على الصحة دي نعمة كبيرة، وراحة البال نعمة، ورضا الله أهم نعمة، والعمر أقصر من إننا نضيعه في الضغط والقهرة والزعل. ربنا يشفي كل مريض، ويجبر بخاطر كل موجوع، ويرزقنا جميعاً الصحة وراحة البال وطمأنينة القلب. دعواتكم".
